GPS leiðréttingastöðvar

Ísmar sem hefur um árabil verið leiðandi í sölu og þjónustu á búnaði til landmælinga og vélstýringa á Íslandi. Við hjá Ísmar blásum enn á ný í herlúðra og ráðumst ekki á garðinn þar sem hann er lægstur heldur tökumst á við risastórt verkefni sem að alla jafna er kallað VRS (Virtual Reference System). Í Byrjun verður kerfið byggt upp á 4 stöðvum.

GPS faststöðvum sem staðsettar eru í Borgarnesi, Reykjavík, Keflavík og Selfossi, GPS stöðvar þessar senda upplýsingar (um t.d. staðsetningu og tungla stöðu) inn í miðlægan tölvubúnað hjá Ísmar sem reiknar út og heldur utan um hnit og útreikning á grunnlínum. VRS reiknar út skekkjur í sendingum gervihnatta á öllu svæðinu sem GPS stöðvar umlykja með mjög mikilli nákvæmni. VRS kerfi vinnur á GPS tunglum og GNSS tunglum.

Allar stöðvarnar eru í símælingu „post processing“ sem leiðir af sér afar nákvæma staðsetningu á loftnetum, og lætur kerfið vita ef ein stöð dettur út eða skekkist (t.d. ef loftnet er tekið niður eða fært). Til að ná leiðréttingu út úr VRS kerfi þarf að hringja inn með GPRS tengingu fyrir RTK mælingu eða nálgast gögn á vefnum fyrir eftir-á-vinnslu (post processing).

Notkun VRS,

mælingamenn þurfa ekki lengur að stilla upp Base til að vinna út frá, heldur hringja inn í VRS kerfi í gegnum GPRS gátt. Við það sparast mikill tíma við uppsetningu á Base og  ferðatíma að og frá Base til vinnusvæðis. Við upp hringingu verður til VRS („sýndar“ Base) stöð útreiknuð og netútjöfnuð út frá fastastöðvum sem umlíkja staðsetningu sem hringt er frá. Út frá þeirri staðsetningu verður síðan öll mælingin unnin, Mælingarmenn geta því verið öruggir að þeir séu að mæla með mestu nákvæmni sem völ er á.

Hægt er að mæla með fullri nákvæmni allt að 25km út fyrir grunnlínu VRS miðað við bestu skilyrði í símkerfi. Það getur verið seinkun á merki í gegnum símkerfið ef merki þarf að fara í gegnum margar símstöðvar, en þó að það sé seinkun í símkerfinu má áætla að VRS virki alla jafna 10-15km út fyrir grunnlínur.

       Kostir VRS kerfis:

·         Allstaðar sama nákvæmni innan kerfis

·         Fjárhagslegur ávinningur við öryggi mælinga

·         VRS kerfið vaktar sig sjálft á skekkjum innan kerfis

·         VRS kerfi safnar RINEX upplýsingum til eftir-á-vinnslu (GPS og GNSS)

·         VRS kerfi vinnur líka með GIS - DGPS tækjum til kortagerðar

·         VRS kerfi er tilvalið til eftirlits mannvirkja t.d. stíflna eða brúa

Hagræðing mælingamanna er þó töluverð af slíku kerfi og hafa erlendar rannsóknir gefið út töflur sem sýna hraða og nákvæmnismun miðað við venjulega RTK mælingu. t.d. í Danmörku sem öll er dekkuð með Trimble VRS kerfi þykir það orðið jafn sjálfsagt að það sé hægt að hringja inn og fá leiðréttingu og það var fyrir nokkrum árum að GSM dekkaði allt landið.

Tímamunur við mælingu hefur verið mældur og sýna sumar rannsóknir að það sparist frá 2.5kls  til 5kls við að tengjast VRS í stað þess að notast við eigin Base (fer eftir stærð verksvæðis).

Segja má að það sé í nokkuð mikið í lagt að setja upp slíkt kerfi á okkar litla markaði en við lítum svo á að með tilkomu þess, muni enn fleiri hafa tækifæri til að nýta sér GPS tæknina til mælinga vegna minni fjárfestinga. Vildum við fylgja eftir þjónustu við landmælingatæki okkar sem eru orðin fjölmörg í notkun, með því að bæta við þessari þjónustu og vitum að mikill áhugi er á henni meðal mælingamanna og fyrirtækja í þessum geira.

VRS kerfið þjónustar allt suðvesturhornið auk suður og vesturlands að hluta, allt upp í Borgarfjörð og austur fyrir Selfoss.

Auk VRS kerfisins, þá höfum við sett upp innhringistöð á Akureyri og eru uppsetningar á stöðvum á Húsavík og Egilsstöðum í vinnslu til að þjónusta þau svæði og eru fleiri stöðvar í farvatninu.