Ístak Mælingabátur
Undanfarnar vikur hefur Ísmar staðið í ströngu við að útbúa mælingabát Ístaks með einum fullkomnasta búnaði sem völ er á.
Settur hefur verið í bátinn Multibeam dýptarmælir frá Odom í Bandaríkjunum, ásamt Qinsy hugbúnaði frá hollenska fyrirtækinu QPS. Er þetta bylting í dýptarmælingum eða öllu heldur í kortlagningu sjávarbotnsins, þar sem t.d. er unnið að dýpkunarframkvæmdum eða hafnargerð.
Tengt þessum búnaði er svokallaður “Heading bundle” frá Trimble sem settur var upp á sama tíma og gefur nákvæma staðsetningu auk stöðu bátsins.
Þá höfum við hjá Ísmar útbúið dýpkunarpramma Ístaks með fullkomnasta búnaði til dýpkunarframkvæmda frá Prolec. Er það pcX þrívíddarkerfi sem byggir á staðsetningu frá Trimble GPS tækjum að nýjustu gerð, með sérstaklega styrktum loftnetum.
Ofangreindur búnaður hefur nú allur verið fluttur til Noregs, þar sem Ístak vinnur stórt verk norður í Lofoten og miklar vonir eru bundnar við þessa tækni sem mun örugglega flýta fyrir verkum og gera alla vinnu skilvirkari.
